malayal.am

വരുന്നു, ' നാനോ കില്ലര്‍ '

Ananthu Vasudev — Fri, 04 May 2012 07:58:38 +0000

ലക്ഷ്വറി ക്ലാസ്സില്‍ ശ്രദ്ധയൂന്നി സ്വിഫ്റ്റിലും, സ്വിഫ്റ്റ് ഡിസയറിലും മാറ്റങ്ങള്‍ വരുത്തി പരീക്ഷിച്ചുകൊണ്ടിരുന്ന മാരുതി വീണ്ടും സാധാരണക്കാരെ തേടിയെത്തുന്നു. എസ്‌യുവിയായ എര്‍ട്ടിഗയ്ക്കു ശേഷം പുറത്തിറങ്ങുന്ന കുഞ്ഞനാണ് സെര്‍വ്വോ. എന്‍ട്രി ലെവല്‍ വിഭാഗത്തില്‍ എത്തുന്ന സെര്‍വ്വോ, മാരുതി 800 നു പകരക്കാരന്‍ ആവുമെന്നാണ് അഭ്യൂഹം. 660 സിസി എഞ്ചിനാണ് സെര്‍വ്വോയില്‍ മാരുതി നല്‍കുന്നത്. 623 സിസി റ്റാറ്റാ നാനോയ്ക്ക് വെല്ലുവിളി ഉയര്‍ത്താന്‍ കെല്‍പ്പുള്ളവനാണ് സെര്‍വ്വോ.

800 നും ഓള്‍ട്ടോയ്ക്കും ഇടയില്‍ വിലയിടാന്‍ ഉദ്ദേശിക്കുമ്പോള്‍ രണ്ട് ലക്ഷത്തിനും രണ്ടര ലക്ഷത്തിനും ഇടയില്‍ ഇവന്‍ ലഭ്യമായേക്കും. നിലവില്‍ പതിമൂന്ന് സിറ്റികളില്‍ വിതരണം നിര്‍ത്തിയ മാരുതി 800 പതിയെ പൂര്‍ണ്ണമായും പിന്‍വലിക്കാനുള്ള സാധ്യത ഇതോടെ കാണുന്നു. എന്നാല്‍ ദീപാവലിക്ക് ലോഞ്ച് ചെയ്യാന്‍ ഉദ്ദേശിക്കുന്ന ഈ കാറിനെ കുറിച്ച് കമ്പനി ഇതുവരെ വ്യക്തമായ ഒരു വിവരവും നല്‍കിയിട്ടില്ല. 'സെര്‍വ്വോ' എന്ന പേരു പോലും മാറിയേക്കാമെന്നാണ് സംസാരം.

[blurb:1:right] ഷെവര്‍ലെ സ്പാര്‍ക്, ഹ്യുണ്ടായ് ഇയോണ്‍ , റ്റാറ്റാ നാനോ എന്നിവരെയാണ് പ്രധാന എതിരാളികളായി മാരുതി കാണുന്നത്. എങ്കിലും നാനോ തന്നെയാണ് പ്രധാന ഇര എന്നത് വ്യക്തം. മൊത്തത്തില്‍ ഒരു ഇന്നോവ ഇത്തിരിക്കുഞ്ഞനാക്കിയ ഒരു ഫീല്‍ ഉണ്ട്. മുന്‍ഭാഗത്ത് ഇയോണിന്റെ ഒരു ഷേപ്പ് തോന്നുമെങ്കിലും മാരുതിയുടെ പതിവ് സ്റ്റൈല്‍ ഗ്രില്ലും, അതോടൊപ്പമുള്ള സില്‍വര്‍ പ്ലേറ്റിങ്ങും, അധികം പ്രൊജക്ഷന്‍ ഇല്ലാതെ, കണ്ണുകളുടെ ആകൃതിയുള്ള ഹെഡ് ലൈറ്റും സൗന്ദര്യം നല്‍കുന്നു.

ബോഡി കളറില്‍ തന്നെയുള്ള ബമ്പറുകള്‍, മിററുകള്‍, ഡോര്‍ ഹാന്‍ഡില്‍ ബാര്‍ തുടങ്ങിയവ ഇവനെ സുന്ദരനാക്കുന്നു. ഒഴുകിയിറങ്ങുന്ന വിധത്തിലുള്ള വിന്‍ഡ് ഷീല്‍ഡും ബോണറ്റും ഹോണ്ട ജാസിനെ ഓര്‍മ്മിപ്പിക്കുന്നു. എന്നാല്‍ വശങ്ങളിലേക്കു പോകും തോറും ഇയോണുമായുള്ള സാമ്യങ്ങള്‍ കൂടി വരുന്നു.

പഴയ സ്വിഫ്റ്റും പുതിയ സ്വിഫ്റ്റും തമ്മില്‍ താരതമ്യപ്പെടുത്തുന്ന പോലെയുള്ള ചില മാറ്റങ്ങളാണ് പിന്നീട്. പിന്നിലേക്കെത്തുമ്പോഴും ഏറെ സാമ്യത. ടെയില്‍ ലാമ്പ് ഡിസൈന്‍ വ്യത്യസ്തമാണെങ്കിലും രണ്ടും ഒന്നിച്ചു കണ്ടാല്‍ ഒരേ കാര്‍ റീമോഡല്‍ ചെയ്ത അവസ്ഥ. എങ്കിലും മുകളില്‍ ഘടിപ്പിച്ചിരിക്കുന്ന സ്പോയിലറും, പിന്‍ വൈപ്പറും, എല്‍.ഇ.ഡി ടെയില്‍ ലാമ്പും കുറച്ച് വ്യത്യസ്തത നല്‍കുന്നു.

പക്ഷേ ഇന്റീരയര്‍ തികച്ചും വ്യത്യസ്തമാണ്. ഡാഷ് ബോര്‍ഡും ചുറ്റുപാടുമെല്ലാം കണ്ടാല്‍ സ്വിഫ്റ്റിന്റെ അനിയന്‍ തന്നെ. സ്വിഫ്റ്റുമായി അത്ര വളരെ മാറ്റങ്ങള്‍ ഇല്ല എന്നു തന്നെ പറയാം. ഒരു എന്‍ട്രി ലെവല്‍ ഹാച്ച്ബാക്കിന്റെ ഇന്റീരിയറാണിതെന്ന് വിശ്വസിക്കാന്‍ തന്നെ പ്രയാസം. ഇന്റര്‍നാഷണല്‍ മാര്‍ക്കറ്റ് മുന്നില്‍ കണ്ട് പവര്‍ വിന്‍ഡോയും എയര്‍ ബാഗും ലഭ്യമാക്കുമെങ്കിലും ഇന്ത്യന്‍ കസ്റ്റമേഴ്സ് ഇവ രണ്ടുമില്ലാതെ തൃപ്തിപ്പെടേണ്ടി വന്നേക്കും.

ഡിക്കി സ്പേസ് ആവശ്യത്തിനു തന്നെ നല്‍കിയിട്ടുണ്ട് മാരുതി. പവര്‍ സ്റ്റിയറിങ്ങിനൊപ്പം അവ അഡ്ജസ്റ്റബിള്‍ കൂടിയാണ്. ഏ.സി, മ്യൂസിക് സിസ്റ്റം തുടങ്ങിയ മറ്റു ഫീച്ചേഴ്സും ഉണ്ട്. ആവശ്യത്തിനു ലെഗ് സ്പേസ് ലഭ്യമാണെങ്കിലും പിന്‍സീറ്റില്‍ രണ്ട് യാത്രക്കാരില്‍ കൂടുതലായാല്‍ യാത്ര അത്ര സുഖകരമായിരിക്കില്ല. പക്ഷേ 800 ന്റെ പകരക്കാരനില്‍ നിന്ന് ഇതിലധികം പ്രതീക്ഷിക്കാനാവുമോ.

[blurb:2:left] 658 സിസി പെട്രോള്‍ എഞ്ചിന്‍ ആണ് 115 kmph പരമാവധി വേഗത നല്‍കുന്ന ഇവന്റെ കരുത്ത്. 6500 ആര്‍.പി.എമ്മില്‍ 54 ബി.എച്ച്.പി ഉയര്‍ന്ന പവറിനോടൊപ്പം 3500 ആര്‍.പി.എമ്മില്‍ 64 എന്‍.എം ആണ് മാക്സിമം ടോര്‍ക്ക്. വേരിയബിള്‍ വാല്‍വ് ടൈമിംഗ് എന്ന വി.വി.റ്റി ടെക്നോളജിയാണ് മാരുതി എഞ്ചിനില്‍ ഉപയോഗിച്ചിരിക്കുന്നത്. 5 സ്പീഡ് മാനുവല്‍ ഗിയര്‍ബോക്സ് ആണ് നല്‍കിയിരിക്കുന്നത്.

ഇന്ത്യക്കാരന്റെ മനസ്സറിയവുന്ന മാരുതിയുടെ ഫാക്ടറിയില്‍ നിന്നിറങ്ങുന്ന ഇവന്‍ ഒരു ലിറ്റര്‍ പെട്രോളില്‍ 25 കിലോമീറ്റര്‍ യാത്ര ചെയ്യുമെന്നാണ് പ്രതീക്ഷിക്കുന്നത്. ഹൈവേ - സിറ്റി റൈഡുകളില്‍ കൂടുകയോ കുറയുകയോ ചെയ്തേക്കാം. പൂജ്യത്തില്‍ നിന്നു നൂറ് കിലോമീറ്റര്‍ വേഗത കൈവരിക്കാന്‍ ഇരുപത്തിയഞ്ച് സെക്കന്‍ഡ് സമയം എടുക്കും ഇവന്‍.

ഇറങ്ങും മുന്‍പു തന്നെ ' നാനോ കില്ലര്‍ ' എന്ന വിശേഷണം ലഭിചുകഴിഞ്ഞു ഇവനു. ആദ്യം ഒട്ടേറെ പരാതികള്‍ ലഭിച്ചിരുന്നെങ്കിലും ഇപ്പോള്‍ അയ്യായിരം മുതല്‍ ആറായിരം നാനോകള്‍ ഒരു മാസം വിറ്റുപോകുന്നുവെന്നാണ് കണക്ക്. മാരുതി 800 ഏകദേശം രണ്ടായിരത്തോളം വിറ്റു പോകുന്നു. 800, ഓള്‍ട്ടോ എന്നിവ ഉണ്ടെങ്കിലും നാനോയെ ശക്തമായി എതിരിടാന്‍ മാരുതിക്ക് സെര്‍വ്വോ തന്നെ വേണം. വിലയിലുള്ള അന്തരത്തേക്കാളേറെ സൗകര്യങ്ങള്‍ ലഭ്യമാക്കുമ്പോള്‍ ഇന്ത്യക്കാരന്റെ മനസ്സ് എങ്ങോട്ട് തിരിയുമെന്ന് കാണാം.

നിലവില്‍ സുസുക്കി കമ്പനി ജപ്പാനില്‍ സെര്‍വ്വോ വില്‍പ്പന നടത്തുന്നുണ്ടെങ്കിലും ഇന്ത്യയില്‍ ലോഞ്ച് ചെയ്യുമ്പോള്‍ എന്തൊക്കെ മാറ്റം വരുമെന്ന് പറയാനാവില്ല. കാര്യമായ വെളിപ്പെടുത്തലുകള്‍ മാരുതി നടത്താത്ത സ്ഥിതിക്ക് വണ്ടിയുടെ പേരോ ഷേയ്പ്പോ പോലും ഇതു തന്നെയാവുമെന്ന് പറയാനാവില്ല. എങ്കിലും ഇങ്ങനൊരാള്‍ മാരുതി ഫാക്ടറിയില്‍ ഒരുങ്ങുകയാണെന്നത് കമ്പനി സമ്മതിക്കുന്നു.

ഒരു കാര്യം ഉറപ്പാണ്, വലിയ മാറ്റങ്ങളില്ലാതെ പുറത്തിറങ്ങിയാല്‍ സെര്‍വ്വൊ വിപണി പിടിച്ചടക്കും. മാരുതിയുടെ ഏറ്റവും വേഗം, ഏറ്റവുമധികം വില്‍ക്കപ്പെടുന്ന കാര്‍ ഇവന്‍ തന്നെയാവും. നാനോയെ പിടിച്ചിരുത്താന്‍ എത്തുന്ന ഇവന്‍ മാരുതി 800 നു പറ്റിയ പകരക്കാരനുമാവും. കാത്തിരിക്കം, ദീപാവലിയിലെ വെടിക്കെട്ടിനായി.

അനന്തു വാസുദേവ്

കടപ്പാട്: www.carsingh.com

News Quotes

ഡാഷ് ബോര്‍ഡും ചുറ്റുപാടുമെല്ലാം കണ്ടാല്‍ സ്വിഫ്റ്റിന്റെ അനിയന്‍ തന്നെ. സ്വിഫ്റ്റുമായി അത്ര വളരെ മാറ്റങ്ങള്‍ ഇല്ല എന്നു തന്നെ പറയാം. ഒരു എന്‍ട്രി ലെവല്‍ ഹാച്ച്ബാക്കിന്റെ ഇന്റീരിയറാണിതെന്ന് വിശ്വസിക്കാന്‍ തന്നെ പ്രയാസം. ഇന്റര്‍നാഷണല്‍ മാര്‍ക്കറ്റ് മുന്നില്‍ കണ്ട് പവര്‍ വിന്‍ഡോയും എയര്‍ ബാഗും ലഭ്യമാക്കുമെങ്കിലും ഇന്ത്യന്‍ കസ്റ്റമേഴ്സ് ഇവ രണ്ടുമില്ലാതെ തൃപ്തിപ്പെടേണ്ടി വന്നേക്കും.

ഇന്ത്യക്കാരന്റെ മനസ്സറിയവുന്ന മാരുതിയുടെ ഫാക്ടറിയില്‍ നിന്നിറങ്ങുന്ന ഇവന്‍ ഒരു ലിറ്റര്‍ പെട്രോളില്‍ 25 കിലോമീറ്റര്‍ യാത്ര ചെയ്യുമെന്നാണ് പ്രതീക്ഷിക്കുന്നത്. പൂജ്യത്തില്‍ നിന്നു നൂറ് കിലോമീറ്റര്‍ വേഗത കൈവരിക്കാന്‍ ഇരുപത്തിയഞ്ച് സെക്കന്‍ഡ് സമയം എടുക്കും ഇവന്‍.

Maruti Cervo

വാഹനം

Country:

Default Home Page

Authors:

Ananthu Vasudev

മോഹന്‍ലാലിന്റെ ബെന്‍സ് എസ് ക്ലാസ്സ്

Entertainment Desk — Tue, 16 Mar 2010 11:25:05 +0000

മലയാള സിനിമയിലെ സൂപ്പര്‍താരങ്ങള്‍ക്ക് ഓരോ ഹോബികളുണ്ട്. മമ്മൂട്ടിക്ക് കൂളിങ് ഗ്ലാസ്സും ക്യാമറകളും സ്വന്തമാക്കുന്നതാണ് വീക്ക്നെസ്സെങ്കില്‍ മോഹന്‍ലാലിന് ബെന്‍സ് കാറുകള്‍ സ്വന്തമാക്കുന്നതാണ് വീക്ക്നെസ്.

പുതുപുത്തന്‍ കാറുകള്‍ സ്വന്തമാക്കുന്ന കാര്യത്തില്‍ മമ്മൂട്ടിയും അത്ര പുറകിലല്ല. (മമ്മൂട്ടി കാറുകള്‍ സ്വന്തമാക്കുന്ന കാര്യത്തില്‍ മാത്രമല്ല, അത് അതിവേഗത്തില്‍ ഓടിക്കുന്ന കാര്യത്തിലും ഒട്ടും പുറകിലല്ല). എങ്കിലും മോഹന്‍ലാല്‍ ഒരുപടികൂടി കടന്ന് മെഴ്‌സിഡസിന്റെ പുതിയ മോഡലായ എസ് ക്ലാസ്സ് 350 സ്വന്തമാക്കിയിരിക്കുന്നു. ഇവന്‍ ലാലിന്റെ കാര്‍ ശേഖരത്തിലെ മുന്തിയ ഇനമാണ്.

മലയാള സിനിമയില്‍ മെഴ്‌സിഡസിന്റെ എസ് ക്ലാസ്സ് സ്വന്തമാക്കുന്ന ആദ്യത്തെ താരമാണ് മോഹന്‍ലാല്‍. ശ്രീനിവാസന്‍ തിരക്കഥയെഴുതി ടികെ രാജീവ്കുമാര്‍ സംവിധാനം ചെയ്യുന്ന ഒരു നാള്‍ വരും എന്ന ചിത്രത്തിന്റെ ലൊക്കേഷനിലേക്ക് പുതിയ ആഡംബര കാറിലാണ് മോഹന്‍ലാല്‍ എത്തുന്നത്.

കെ.എല്‍ 01 AW 999 എന്ന സൂപ്പര്‍ നമ്പറാണ് കാറിനുവേണ്ടി ലാല്‍ സ്വന്തമാക്കിയത്. ഏകദേശം ഒരു കോടി രൂപ ഈ കാറിന് ചെലവായതായാണ് കണക്ക്.

വാഹനം

Country:

Default Home Page

Authors:

Entertainment Desk

ടാറ്റ നാനോ വീണ്ടും വില കൂട്ടുന്നു

News Desk — Mon, 19 Jul 2010 02:08:37 +0000

പറഞ്ഞ വാക്കു പാലിക്കാനാകാതെ ടാറ്റാ നാനോയുടെ വില വീണ്ടും വര്‍ദ്ധിപ്പിക്കുവാനൊരുങ്ങുന്നു. നാലുശതമാനം വിലവര്‍ദ്ധനയാണ് ഇപ്പോള്‍ നടപ്പാക്കാന്‍ പോകുന്നത്. കുട്ടികളടങ്ങുന്ന ഇന്ത്യന്‍ കുടുംബം സര്‍ക്കസുകാരെപ്പോലെ ടൂവീലറില്‍ പോകുന്നതുകണ്ടിട്ടാണ് അവരെ സഹായിക്കാന്‍ ഒരുലക്ഷം രൂപ വിലയുള്ള കാറുകള്‍ ഇറക്കാന്‍ താന്‍ പ്രചോദിതനായതെന്നു വീമ്പു പറഞ്ഞ ടാറ്റ, നാനോ പുറത്തുവരുമ്പോഴേക്കും ഒരുലക്ഷമെന്ന മാന്ത്രികസംഖ്യ മറന്നുകഴിഞ്ഞിരുന്നു. പുറത്തുവന്ന നാനോയുടെ വില കാല്‍ലക്ഷത്തോളം രൂപ കൂടുതലായിരുന്നു. നാനോയ്ക്കുവേണ്ടി ദാഹിച്ചുമോഹിച്ചെത്തിയവരുടെ അപേക്ഷാഫോം വില്പനയിലൂടെ (മുമ്പാരും പരീക്ഷിക്കാത്ത വിദ്യ) കോടികള്‍ സ്വരൂപിച്ച ടാറ്റ ഇപ്പോള്‍ ആദ്യത്തെ ഒരുലക്ഷം അപേക്ഷകര്‍ക്കു ശേഷമുള്ളവര്‍ക്ക് ഈ കൂടിയ വിലയിലാണ് വണ്ടിനല്‍കുക.

നിര്‍മ്മാണ വസ്തുക്കളുടെ വില ഉയര്‍ന്നതിനെ തുടര്‍ന്നാണ് നാനോയ്ക്ക് വില കൂട്ടേണ്ടി വരുന്നതെന്നാണ് ടാറ്റാഭാഷ്യം. ഇതോടെ ഒരുലക്ഷം രൂപയുടെ കാറെന്ന സ്വന്തം സങ്കല്പത്തോടുതന്നെ ടാറ്റാ പറയുകയാണ് ടാറ്റാ മോട്ടോഴ്സ്, 1.23 മുതല്‍ - 1.75 വരെയാണ് ഇപ്പോഴത്തെ വിലതന്നെ. ഇതു നാലുശതമാനം കൂടുമ്പോള്‍ അയ്യായിരത്തോളം രൂപയാണു കൂടുക. നാനോയുടെ ടോപ്പ് മോഡലിന് അനുബന്ധസാമഗ്രികളൊന്നുമില്ലാതെതന്നെ രണ്ടുലക്ഷത്തിനടുത്തു വിലയാകുമെന്നു ചുരുക്കം.

മാരുതിയുടെ എയ്റ്റ് ഹണ്‍ഡ്രഡിനേക്കാള്‍ വളരെ ചെറിയൊരു വ്യത്യാസം മാത്രമാകും അത്. എന്നാല്‍, ബുക്കു ചെയ്തു കാത്തിരിക്കുന്നവര്‍ക്ക് ബുക്കിംഗ് തുകയ്ക്ക് പലിശയും മറ്റിളവുകളും പ്രഖ്യാപിച്ച് സംഗതിയെ ജനകീയമാക്കാന്‍ ശ്രമിച്ചിട്ടുണ്ട് റ്റാറ്റ. അല്ലെങ്കില്‍ ജനം നാനോയോടു റ്റാറ്റ പറയുമെന്നവര്‍ക്കറിയാം. നാനോ വാങ്ങിയ പലര്‍ക്കും ഇപ്പോള്‍ ഈ വണ്ടിയില്‍ റ്റാറ്റാ പോകാന്‍ താല്പര്യമില്ലത്രേ.

ടാറ്റ നാനോ

വാഹനം

Country:

Default Home Page

Authors:

News Desk

ടയോറ്റ കമ്പനി കാറുകള്‍ തിരിച്ചുവിളിക്കുന്നു

News Desk — Sat, 31 Jul 2010 05:09:51 +0000

ടോക്യോ: വാഹന നിര്‍മ്മാതാക്കളായ ടയോറ്റ നിരത്തിലിറക്കിയ 430,000 വണ്ടികള്‍ തിരിച്ചുവിളിക്കാന്‍ തീരുമാനിച്ചു. 2000- 2004 കാലഘട്ടത്തില്‍ നിര്‍മ്മിച്ച ആവലോണ്‍ മോഡല്‍ കാറുകളാണ് അമേരിക്കയില്‍നിന്നും ജപ്പാനില്‍നിന്നും തിരിച്ചുവിളിക്കാന്‍ കമ്പനി തയ്യാറെടുക്കുന്നത്. സ്റ്റിയറിംഗ് സിസ്റ്റത്തിലെ പ്രശ്നമാണ് കാറുകള്‍ തിരിച്ചുവിളിക്കാന്‍ കാരണമെന്നാണ് കമ്പനി അധികൃതര്‍ അറിയിച്ചിരുന്നത്. ആക്സിലേറ്റര്‍ പെഡലുകളുടെ പ്രശ്നംമൂലം അടുത്തിടെ ടയോറ്റ കമ്പനി എട്ട് മില്യണ്‍ വണ്ടികള്‍ പിന്‍വലിച്ചിരുന്നു. അതിനുപിന്നാലെയാണ് ഇപ്പോള്‍ സ്റ്റിയറിംഗ് പ്രശ്നംമൂലം കാറുകള്‍ പിന്‍വലിക്കുന്നത്.

എന്നാല്‍ സുരക്ഷാ പ്രശ്നങ്ങള്‍ ഉയര്‍ത്തിക്കാട്ടി അമേരിക്കന്‍ അധികൃതര്‍ ഫോര്‍ഡ്, ഡൈംലെര്‍, വോള്‍വോ തുടങ്ങിയ വാഹനനിര്‍മ്മാതാക്കളോടും ചില മോഡല്‍ കാറുകള്‍ പിന്‍വലിക്കണമെന്ന് ആവശ്യപ്പെട്ടിട്ടുണ്ട്. 2010ല്‍ വിറ്റഴിച്ച കാറുകള്‍ തിരിച്ചുവിളിക്കാനാണ് ടയോറ്റ കമ്പനി തീരുമാനിച്ചിരിക്കുന്നത്. ജപ്പാനില്‍ ഇപ്പോള്‍തന്നെ 6,750 കാറുകള്‍ തിരിച്ചുവിളിച്ചുകഴിഞ്ഞു. ഇതേപ്രശ്നംമൂലം അമേരിക്കയില്‍നിന്നും 39,000 ലക്സസ് 470s മോഡലും ജപ്പാനില്‍നിന്ന് 9,670 ലാന്റ് ക്രൂയിസര്‍ മോഡലും പിന്‍വലിച്ചിട്ടുണ്ട്.

"ലോകോത്തര നിലവാരത്തിലുള്ള കാര്‍ പുറത്തിറക്കാനാണ് ടയോറ്റ എപ്പോഴും ശ്രമിക്കുന്നത്. സുരക്ഷാപ്രശ്നങ്ങള്‍മൂലം കാറുകള്‍ പിന്‍വലിക്കേണ്ടിവരുന്നത് സുരക്ഷാകാര്യത്തില്‍ കമ്പനിക്ക് അത്ര ശ്രദ്ധ ഉള്ളതുകൊണ്ടാണ്. കമ്പനി ഉടമകള്‍ക്ക് സുരക്ഷാപ്രശ്നങ്ങള്‍ ഇല്ലാത്ത കാറുകള്‍ പുറത്തിറക്കാന്‍ കഴിയുമെന്ന് ആത്മവിശ്വസമുണ്ട്," വടക്കേ അമേരിക്കയിലെ ടയോറ്റയുടെ ഗുണമേന്മാ പരിശോധകന്‍ സ്റ്റീവ് സെന്റ് ആഞ്ചലോ പറഞ്ഞു.

16 മില്യണ്‍ ഡോളറാണ് ടയോറ്റ കാറുകള്‍ക്ക് അമേരിക്കയില്‍ പിഴ ഈടാക്കിയിരിക്കുന്നത്. ആക്സിലേറ്റര്‍ പെഡലിന്റെ പ്രശ്നങ്ങള്‍മൂലമാണ് ഇത്രയും വലിയ തുക പിഴയായി ഈടാക്കേണ്ടിവന്നത്. ഏഴ് ലക്ഷ്വറി മോഡല്‍ ഉള്‍പ്പെടെ 270,000 കാറുകള്‍ പിന്‍വലിക്കുന്നതായി ഈ മാസമാദ്യം കമ്പനി അധികൃതര്‍ വ്യക്തമാക്കിയിരുന്നു. എഞ്ചിന്‍ പ്രശ്നംമൂലമാണ് കാറുകള്‍ പിന്‍വലിക്കാന്‍ കമ്പനി അധികൃതര്‍ തയ്യാറായത്. കൂടാതെ മെയ് മാസത്തില്‍ സ്റ്റിയറിംഗ് പ്രശ്നംമൂലം 3,800 ലക്സസ് വണ്ടികളും തിരിച്ചുവിളിക്കാന്‍ കമ്പനി തയ്യാറായിരുന്നു.

കൂടുതല്‍ വിവരങ്ങള്‍ക്ക് ഈ വീഡിയോകള്‍ കാണുക

വാഹനം

Country:

Default Home Page

Authors:

News Desk

ഇനി സൂര്യതാപംകൊണ്ട് ഐവിയോടും അതിവേഗത്തില്‍

Techy Nose — Sat, 08 Jan 2011 07:54:46 +0000

ലോകത്തിലെ ഏറ്റവും വേഗതയേറിയ സൌരോര്‍ജ്ജ കാര്‍ ഇനി ഓസ്ട്രേലിയന്‍ കാറായ ഐവി എന്ന സണ്‍സ്വിഫ്റ്റ് IV സ്വന്തമാക്കി. ന്യൂസൌത്ത്‌വെയില്‍‌സ് സര്‍വകലാശാലയാണ് ഐവിയുടെ രൂപകല്‍പ്പനയും വികസിപ്പിക്കലും നടത്തിയത്. മണിക്കൂറില്‍ 88 കിലോമീറ്റര്‍വേഗത്തിലോടാന്‍ ഐവിക്കു കഴിയും. മണിക്കൂറില്‍ 79 കിലോമീറ്ററായിരുന്നു സൌരോര്‍ജ്ജ കാറുകളില്‍ വേഗമേറിയവ ഇതിനുമുന്‍പ് പരമാവധി കൈവരിച്ചിരുന്നത്.

ലോകത്തിലെ ഏറ്റവും വേഗമേറിയ ഈ സൌരോര്‍ജ്ജ കാറിന് വീടുകളില്‍ ഉപയോഗിക്കുന്ന ടോസ്റ്ററിന്റെ ശക്തിമാത്രമേ ഉള്ളൂ എന്നതാണു പ്രത്യേകത. കാറിന്റെ വേഗം മണിക്കൂറില്‍ 90 കിലോമീറ്റര്‍ വരെ ആക്കാനുള്ള പരീക്ഷണത്തിലാണിപ്പോള്‍ നിര്‍മാതാക്കള്‍.

സിലിക്കന്‍ ബാറ്ററികള്‍ ഉപയോഗിച്ചാണ് ഐവി സൂര്യനില്‍ നിന്നുള്ള ഊര്‍ജ്ജം സംഭരിക്കുക. 2009-ല്‍ ഡാര്‍വിനില്‍ നിന്ന് അഡലൈഡ് വരെയുള്ള ഓട്ടത്തില്‍ 103 കിലോമീറ്റര്‍ വേഗമാര്‍ജ്ജിക്കുന്നതിനും ഈ സൌരോര്‍ജ്ജ കാറിനു സാധിച്ചിട്ടുണ്ട്. അതു പക്ഷെ സാധാരണ ഗതിയില്‍ പ്രാപിക്കാനാവുന്ന വേഗതയല്ല.

വാഹനം

Country:

Default Home Page

Authors:

Techy Nose